Si l'ama comme son enfant.

Par mer vont et il eurent vent
Qui les enmaine sans demeure.

Tante nuit, tant jour et tante eure
Oirrent par mer que les
perçurent

Icil qui à Beruic furent.
Trestuit keurent sour le rivage
Pour recuellier leur signerage,
Qui des nés és batiaus entrerent
Et as avirons tant siglerent
Que des nés issent el sablon,
Où il trouverent maint baron
Qui crierent à haute vois:

< Bien viegne mesire li rois!
Et bien soit ma dame venue
Qui par traïson fu perdue!
Bien soit nos damoisiaus venus
Qui avoeques li fu perdus!
Ensement li rois de Hongrie,
Lui et toute sa compaignie
Soit bien venue en cest païs!
Dès or ne seront esbahis

Li chevalier qui ont esté
Sans signourage maint esté;
Or nous fait Dix nostre voloir:
Dès or ne nous devons doloir. »

Ainsi recuellent leur signeur
Tuit li baron à grant honneur,
Si lié que dire ne l' poroie
Quant lonc tans pensé i auroie.

8400

8410.

8420

Leur cheval sont tret fors des nés;
Quant tuit se sont entr'acolé

Si montent sans plus d'arrest faire,
N'est nus qui vous séust retraire
Le lorain et le palefroy,

La sambue et l'autre conroy

Folio 55 v°, col. 2. Que Joïe la boine ot

Et les dames qu'avoec li ot;

Puis vont chevauçant par la presse

De gens qui estoient engresse

De li véoir et esgarder;
Mais or la pueent esgarder

Plus bele c'onques mais ne firent;
Quant il en li les .ij. mains virent,
Du biau miracle se saignierent
Et durement se mervillierent.
Dusk'en la vile ensi s'en vont,
Où tant d'apparaus véu ont,
Tante grant courtine de lin,

8430

Tant drap de soie alixandrin,
Tant couvertoir et tant drap d'or,
Tant vair, tant gris et tant tresor,

8440

Tante douce herbe par les rues
Sour les chaucies estendues.

Li rois de Hongrie, qui voit
Comment sa fille amée estoit,
A paine pooit nului croire;

Mais or voit que la cose est voire;

Si se mervelle moult comment

Li sires de tel tenement

8450

Le volt prendre, et si ne savoit
Qui ele ert ne dont ele estoit.
Mout durement Dieu mercia
De l'onneur que faite li a.

Au castel vienent, si dessendent.

Li jours de Pasques ert, s'entendent

A aler trestout au moustier

Pour escouter le Dieu mestier,

Et lour Sauvéor recuellirent,

Puis à lour ostex revertirent,
S'i appareillent et atornent

8460

Et puis à la court les rois tornent,
Qui mout par fu grans et pleniere;

Gens i eut de mainte maniere,
Et si avoit cascuns sa fame

Que honerer volrent lor dame.

Folio 56 ro, col. 1. De leur viandes ne des vins
Ne voel dès ore estre devins.
Cel jour simplement se porterent
Les dames, point ne carolerent;

8470

Pour leur Sauvéour que reçurent
Ce jour simplement se continrent;

Assés i peurent recouvrer,
Car lueques volrent sejorner
.viij. jours: tant dura cele feste,
Onques plus bele ne fu fete,
Si grans, si joians ne si lie,

Ne de tant de gent si joïe,

Si festée, si carolée,
Ne fu onques puis demenée;

8480

Plus deviser ne vous en voel,

Ma matere à fin mener voel.

Quant li .viij. jour furent passé
Et il furent trestout lassé

De feste faire, congié firent
Et en leur païs revertirent,
Et li roi d'illuec se tornerent
Et par le païs cevaucierent;
Avoec aus fu tous jors Joïe,
Mainte dame en sa compaignie;
Par les viles vont sejornant,

Puis de l'une en l'autre tornant.

De la mere le roi enquist

La roïne, et on bien li dist

Un an avoit que morte estoit

Dedens la tour où ele estoit;
A Joïe mie n'agrée,

Encor fust par li desmurée,

Tant est plaine de courtoisie,

S'ele l'éust trouvé en vie;

8490

8500

Mais de lic souffrir li estuet

Puis c'autrement estre ne puet:

Ele s'abati de son tour,

S'en est venue à malvais tour.

Quant li roi eurent le païs
Véu et à leur voloir mis,

Folio 56 ro, col. 2. Sejourner vinrent à Dondieu,

Car c'estoit d'Escoce le lieu

U Joïe amoit miex manoir,

Pour ce i vaurrent souvent manoir,

8510