Et d'autre part souvent avient

Que tant qu'ons son courous tient,

Que il fait tel cose u fait faire

Qui bien li puet après desplaire.
Espoir enquore cangera
Li rois le voloir que il a;

Et s'il le cange et je l'ai arse,

Il me venroit miex estre en Tarse

U en la grant Inde major,
Qu'encor en aroie mal jour.

Ne l'ardrai pas, ne sai que face.
Que ferai donc? Se jou l'encace,
Enquor m'en porra maus venir.
Mon signeur dout au revenir,
Bien sai que ardoir me vaurra
Et puis vivre ne me laira.
Que ferai dont? Je ne sai quoi,

Or ne sai-jou consel de moi:

Le mains malvais je ne sai faire;

Folio 8 r., col. 1. Mais puisque voi que contraire

Me puet avenir de .ij. voies,

Ne le lairai plus toutes voies
Morir par si cruel tourment.

N'a pas dusqu'à la mer gramment:

Là le menrai à mie-nuit,

Que qu'il soit bel ne qu'il anuit;

En .i. batel le meterai,

Et à .viij. jors li liverrai

900

910

Vin et viandes à fuison;

Mais od li n'aura compaignon,

920

Aviron, mast ne gouvernal.
S'il plaist à Dieu l'esperital
Que ele voist à sauvement,
Ce sera bien à mon talent;
Et s'ele moert, n'en verrai mie:
Si en soit en la Dieu baillie!
Quant jou aurai fait cest afaire,
Por çou c'on ne puisce retraire
Que je l'aie de mort salvée,
Ferai faire une grant aunée
D'espines; et al adjourner,
Quant ele sera en la mer,
Ferai les espines bruir,
Avant que nus i puist venir;
Puis si lor ferai entendant
Que ele est arse por la gent
Qui demenaiscent grant dolour
Le fis ardoir devant le jour.»
Ensi com il pense l'a fait,
Et del esploitier s'entremet:
Le cartrier mande maintenant.
Il vint à lui sans contremant;
Com cil qui l'amoit et doutoit,
Demande li qu'il li voloit.
Li senescals dist que sa foy
Veut avoir que jà nus par soi
Ne saura çou que il dira,

Et que au faire li aidra.

Li cartriers errant li fiance:

Folio 8 ro, col. 2. Or en est-il bien à fiance,

930

940

950

Si li a reconté l'affaire

Ensi comme il le bée à faire

Et comme il l'avoit devisé;
Et li cartriers dist que visé
Avoit mout bien ceste besoigne,
Et que maintenant sans aloigne
Loe la besoigne à haster:

« Se vous volés, vés m'i aler. »
Li senescauls dist bien le veut,
Et li cartriers sa voie akeut,
A la mer vient, s'a tant cacié
Qu'il a tout quis et pourcacié
Un batel et viande et vin;
Puis se r'est mis au cemin.

Au senescal dist qu'il a fait

Ce qu'il li ot dit et retrait.

« C'est bien fait, » dist li senescals.

Aparelliet ont .iij. cevaus:

Sour l'un en font monter Joïe,

Qui n'estoit gaires esjoïe;

Li dui sur les autres monterent:
Ensi hors de la vile alerent,

Qu'il ne furent apercéu
Pour la nuit qui oscure fu.
Onques ne volrent arrester
Devant qu'il vinrent à la mer,
Droit à la nef que's atendoit.
Joïe demande : « Que doit,
Signeur, et par quel destinée
M'avés-vous ici amenée?

980

E

970

960

Voir, onques mais fille de roy
Ne fu menée à tel derroi. »

« Dame, li senescals a dit,
Commandé me fu sans respit

Du roy qu'en .i. four vous arsisse,
Saciés, ou ma vie perdisse;
Mais la pitiés que j'ai au cuer

Ne me laist souffrir à nul fuer

Que de tel tourment vous ocie:

Folio 8 vo, col. 1. Si vous met en la Dieu baillie,
Qui vous gart et qui vous conduie;
Car saciés durement m'anuie

Quant si le fas; mais n'en puis mès,
Car li rois est fel et engrès :

Je dout molt son courous et s'ire.

Enquore vous puis-je bien dire,

S'il savoit c'arse ne fuissiés,

Sur moi en revenroit li mesciés. »

La damoisiele li respont:

« Certes, biaus sire, pecié font

Tuit cil qui à ce m'ont menée

Que seule irai par mer salée;
Je ne l'ai mie desservi;

Mais puis que il est or ensi,

Je voel miex noier que arse estre,
S'il plaist au Dieu le roy celestre.
Quant commandement en avés,
Bon gré vous sai quant vous m'avés

Le mien cors respitié d'ardoir;

Et si pri de cuer Dieu le voir

990

1000

1010

Que il à mon pere pardoinst
Le pecié de mi, et li doinst

Joie plus qu'il ne m'en demeure. »
Li senescaus durement pleure

Et li cartriers tout ensement;
Ou batel l'ont mis en plorant,
Puis si l'ont à Dieu commandée,
Devens la mer l'ont eskipée :
Or voist là où Diex la conduie!
Car li departirs leur anuie.
Arriere retourné s'en sont,

Et au cief de la vile vont.
Ains que li jors péust venir,
Quatre quaretées emplir

Font de bos et mener as cans.

Si tost com li jors fu

Es espines le fu bouta,

Dedens la vile s'en ala

parans,

Li cartriers pour lever le hu,

Folio 8 vo, col. 2. Et disoit : « Las! tant mar i fu,

Joïe, vostre grant bonté ! »

Quant cil l'oent de la cité

Qu'il plaint ensi lor damoisiele,

Si li demandent : « Qu'a-ele? »

Il leur respont qu'ele est bruie.

En peu d'eure fu estourmie
La vile après ceste parole;

1020

1030

Pour peu que cascuns ne s'afole

De duel, tant par sont tuit dolent!
Vers le feu en vont tout courant

1040