DE

LA MANEKINE.

Folio 2 ro, col. 1. Phelippes de RIM ditier
Veut un roumans, ù delitier
Se porront tuit cil qui l'orront;
Et bien sacent qu'il i porront
Assés de bien oïr et prendre,
Se il à chou voelent entendre;
Mais s'aucuns est ci qui se dueille
De bien oïr, pour Dieu! ne voelle
Ci demorer, anchois voist s'en.

Ce n'est courtoizie ne sen
De nul contéur destourber.
Autant ameroie tourber

En .i. marès, comme riens dire
Devant aucune gent qui d'ire,
D'envie, d'orgueil sont si plain
Que tenu en sont pour vilain.
Par tel gent sont tuit revelé
Li mal qui amont sont levé,

Car du bien qu'il sevent se taisent.

Folio 2 ro, col. 2. Et pour cou que il poi me plaisent,

10

20

A

Leur voel, ançois que je commans
La matere de mon roumans,

Priier de ci que il s'en voisent
Ou qu'il ne tencent ne ne noisent;
Car biaus contes si est perdus,
Quant il n'est de cuer entendus,
Méismement à chiaus qui l'oent :
Pour cou leur requier-jou qu'il oent
Ce conte que je met en rime.
Et se je ne sui leonime,
Merveillier ne s'en doit mie;
Car molt petit sai de clergie,
Ne onques mais rime ne fis;
Mais ore m'en sui entremis
Pour cou que vraie est la matere
Dont je voel ceste rime fere,
N'il n'est mie drois c'on se taise
De ramembrer cose qui plaise.
Dès or voel-jou à Dieu priier
Que il me doinst bien definer
Ce conte que j'ai ci empris

Folio 2 vo, col. 1. Et par moi est en rime mis,

Et à trestous chiaus grans biens doigne

Qui loeront ceste besoigne.

Dès or mais vous commencerai,

Que jà de mot n'en mentirai,
Se n'est pur ma rime alongier
Si droit com je porrai lignier.

Jadis avint qu'il ert .j. rois
Qui molt fu sages et courtois;

30

40

50

Toute Hongrie ot en demaine,
Feme avoit qui n'ert pas vilaine :
Fille estoit au roi d'Ermenie;
De grant biauté iert si garnie

Et de bonté, si com j'entens,
Que on errast avant lonc tans
Que sa parelle fust trouvée.

A li deviser demourée

Ne voel faire trop demourroie.
Aler m'en voeil la droite voie

Ainsi comme je truis ou conte,

Qui ainsi me retrait et conte
Qu'il furent ensanle .x. ans,
Qu'avoir ne porent nus enfans
Fors une fille seulement;
Mais cele, au mien enscient,
Fu la plus bele qui ains fust
Qui d'omme concéue fust.
La damoisiele ot non Joïe,
Por mainte gent qui esjoïe

Fu ou païs pour sa naissance;

Et Diex, qui tous les biens avance,
Mist en li quanque mettre i dut

Nature, qui pas ne recrut,

Ançois i mist tout à devise:

Biauté, bonté, sens et francise.

Onques feme de son eage

Ne fu tenue pour si sage.

60

70

Dont vint la mort, qui jà n'ert lasse

De muer haute cose en basse,

80

Ne n'espargne roi ne roïne,

Folio 2 vo, col. 2. Ançois fait de biau tans bruine :
Bruine fait bien de biau tans
Quant elle fait de liés dolans;
Ne ja ne prendra raenchon
De nului qu'ele ait en prison,
Fors que le cors nu, pale et taint,
Joiel dont cascuns se plaint.

N'a mie atendu la viellece
De la roïne, ançois s'adrece
Vers li, et si l'a empainte
Qu'ele la fait et pale et tainte
La coulour, qui estoit si bele
Rien n'i vausist rose nouvele.
Au lit est du tout acoucie;
Or ne quidiés mie qu'il siée
A chiaus du païs ne au roy,
Qui pour li demainent desroi:
Devant li est, partir n'en puet;
De plourer tenir ne se puet
Quant ne troeve fusiciien

Qui sace du garir rien.

.I. jour li dist: « Ma dame ciere,

Molt me fait mal icele ciere

Que je voi en vous si palie.

Par eage ne deuisciés mie

Issi tost departir de moi. »
Ele li a dit : « Sire, avoi!

Ne viellece ne joneté ;
Ne tolent la Dieu volenté;

90

100

110

Souvent fait la biere premiere
Que les gens cuident darreniere.

Quant Diex le veut, et jou le voeil;
De sa volenté ne me doeil.

Je sai molt bien morir m'estuet,

Ne autrement estre ne puet;
Mais par cele très grant amour
Que m'avés monstrée maint jor,
Vous pri que me donés .i. don

De tous mes biens en gherredon. »

« Certes, dame, li rois respont,

Folio 3 ro, col. 1. Il n'est nule riens en cest mont

Que nus hom puist faire pour femme
Que je ne face pour vous, dame;

Mais dites vostre volenté :

Du faire sui en volenté,

Sur ma loialté le vous jur. »
- Or en sui-je bien asséur,
Sire: si vous requier et proi

Que vous jamais femme après moi

Ne voelliés prendre à nesun jor;

Et se li prince et li contour

De ce païs ne voelent mie

Que li roialmes de Hongrie
Demeurt à ma fille après vous,
Ançois vous requierent que vous
Vous mariés pour fil avoir,
Bien vous otroi, se vous avoir
Poés femme de mon sanlant,

Qu'à li vous alés assanlant;

120

130

140