Et des autres bien vous gardés,
Se vous mon convenant gardés.

« Certes, dame, jou l'otroi bien ;
Ja ne [i] mefferai de rien. »
Quant la roïne ot cou pourquis,
Son pensé et son cuer a mis
A s'ame, si se confessa;
Bien sent la mort qui l'apressa:
Se[s] droitures a demandées,
Et on li a toutes données;
Puis est du siecle trespassée.

Pour li s'est mainte gens lassée
De plourer; meismement li rois
Se pasma sur li mainte fois,
Ne nus ne le puet conforter.
Quant devant li en voit porter
La roïne en biere morte,

Molt se plaint, molt se desconforte;

Ains plus grans deuls ne fu véus

Que cil qui pour li fu méus.

Enfoïe fu noblement.

Folio 3 ro, col. 2. Sa tombe fu faite d'argent,
D'or et de pieres precieuses,

Boines, cieres et precieuses.
Li duc, li prelat, sans mentir,
Qui furent à li enfoïr
I furent d'yvoire entailliet
Merveilleusement soutilliet;
Deus et .ij. ensanle parolent,

150

160

Et sanle que de doel s'affolent.

170

Quant on ot canté le service,

Retorné s'en sont del eglize.

De teus i ot qui s'en alerent;

Mais li grant signeur demourerent
Por reconforter lor signour,
Qui le cuer a plain de dolour.

Toutes mors oublier convient.

Li rois le convenent bien tient
Que il avoit à la roïne.
Après sa mort fu lonc termine
Avoeques sa fille Joïe,

Qu'il a mout amée et cierie;

Pour l'amour qu'il ot à sa mere
Ne li monstra pas vie amere,

Et molt l'ama de grant amour.
La damoisiele cascun jour

Crut en sens et en grant biauté,

En valour et en loialté :

.xvi. ans ot, molt fu bele et gente;

En la virge Marie entente

Mist de servir et d'onnourer;
Tous les jours l'aloit aourer
D'orisons que ele savoit,
A une ymage qu'ele avoit,

Qui en sa sanlance ert pourtraite.
Ensi se deduist et affaite.

Le conte de li vous lairai;

180

190

Des barons du païs dirai,

Qui ensanle ont pris pallement ;

Molt i assanla de grant gent.

200

Quant il furent assanlé tout,

Folio 3 vo, col. 1. Si ont ellit le mains estout

Et le plus sage pour moustrer
Ce qui les a fait assanler:
« Seigneur, fait-il, escoutés-moi.
En cest païs avons .i. roy

Qui ot feme molt boine et sage;

En se mort avons grant damage.

De cele femme n'a nul hoir

Fors une fille, au dire voir,

Qui est molt bone et molt courtoise;

Et nonpourquant en briquetoize
Ert li roialmes de Hongrie,

Se feme l'avoit en baillie:
Pour c'est-il bon que nous alons
Au roi et de cuer li prions

Qu'il pregne feme à nostre los. »

Il respondent tout: « C'est bon los. >>

A ce conseil trestout s'acordent,

N'en i a nul qui s'en descordent;
Au roi sont venu au tierc jor
Là où il tenoit son sejor,

Si li requierent que il famme

Pregne pour l'ounour du roialme.
Il lor dist: « Signor, non ferai,
Jamais femme ne prenderai;
Car à ma femme euc en convant
Que jamais jor de mon vivant
Feme espousée n'iert de moi,

210

220

Se ensi n'est, mentir n'en doi,

230

Que je trouvaisce son pareil
De biauté, de fait, d'apareil;
Et je ne quic mie que une
En trouvast-on desous la lune;
Mais s'ele puet estre trouvée,
Pour le pourfit de la contrée
Vés-moi prest et entalenté
De faire vostre volenté. »

Ce

Quant li baron ont entendu

que li rois a respondu,

S'ont .xij. messages ellis,

Folio 3 vo, col. 2. Courtois et sages et ellis,

Qui pluseurs langage savoient.

La roïne véu avoient,

Norris les ot et alevés;

Si se tinrent mains agrevés

Des grans paines qu'il endurerent,

Por cou que son per quere alerent.

Et cil .xij., tuit doi et doi,

Par le commandement le roi

Et par les barons de la terre

Vont en maint lieu la muse querre.

Quant il orent or et argent

Et garnisons à lor talent,

S'ont devisé qu'il le querront

.I. an et puis si revenront.
Vers Orient en vont li .vi.,

En trois parties se sont mis;

Et li autre vers Occident

S'en vont maint païs reverchant.

240

250

260

B

Fille à roy et à maint conte

Virent, dont il ne tinrent conte.

Maint duel, maint anui et maint grief

Orent; mais ne vinrent à chief

De la queste qu'enpris avoient,

Estoit çou dont grant doel avoient :
Se je contoie leur anuis,

Del escouter seroit anuis.

Quant il ont en maint lieu cerkié,

Maint païs quis et reverchié,
Ne ne poent oïr nouveles

Qui leur soient bones ne beles,
Au chief del an sont revenu,
Non ensi com erent méu:
Riche s'esmurent et joiant,
Povre revienent et dolant;
En .ij. nés en erent tourné,
Mais en .vi. en sont retourné.

A .i. Noel troevent le

roy

Et tous ses barons avoec soi,

Où il tenoit grant court pleniere.

Folio 4 ro, col. 1. Gent i ot de mainte maniere,

Dames et mainte damoisiele

Qui cuidoit estre la plus bele.
Au disner vinrent li message,
S'ont au roy conté leur musage.
Et li baron, quant il l'oïrent,

De cou mie ne s'esjoïrent;

Mais li message n'i r'ont coupes.

Ne furent pas paié d'estoupes;

270

280

290