Que cascuns set et adevine
Que li rois a la Manekine;
S'en sont lié cil qui la connoissent,
Et li autre trestout s'angoissent
Et demandoient qui el ere,
De quel sens et de quel maniere:
« Qui ele est, font-il, ne savon;
Mais de sa maniere aprenon
Que ele est mout courtoise et sage
Et de bien faire a bon corage. » Ensi par le païs devisent Et li un les autres atisent, Si dient que il iront tuit Veoir la feste et le deduit Ki ert à Pentecouste à court; Peu en i a qui ne s'atourt; Et li rois ert avoec s'amie, Où il menoient bonne vie. Ensemble gisoient les nuis, Assés avoient de deduis
Plus que conter ne vous saroie,
Quant lonc tans pensé i aroie;
Mais selonc çou qu'estoient grant Li desirier et li torment
Que il en avoient souffert,
Selonc çou Amours les resert
De si très grant joliveté
Comme amant ont en priveté,
Quant il maintienent bonne amor. Mout lour avoit bonne savour
Li acolers et li sentirs,
Li baisiers, li biaus maintenirs,
Folio 15 vo, col. 2. Li biaus deduis, li biaus souslas Que il avoient bras à bras.
Tous les jours de cele qui[n]saine Se mist li rois en molt grant paine, Par la priiere de sa femme,
K'avoir péust l'amour sa dame;
Mais pour noient tel paine i met,
De la grant envie qu'ele a
De chou que roïne sera,
Non pas por mesfait qu'ele i voie,
Fors pour envie qui la proie.
Li rois voit bien que plus li prie Que plus est en grant felonnie, Si le laisse en pais par anui. Quant il ne puet trover en li Debonaireté ne franchise, En pais le laisse : si a mise Sa pensée à sa feste faire; Le plus bel apparoil fait faire
Qui onques mais fust fais à feste: A ses pourvéurs manifeste Que il facent pavillons tendre Et sur la riviere pourtendre. Fait est cou qu'il a devisé
Tout ainsi comme il a visé :
Sur l'iauwe en la grant praerie
Là fest[e] vint, la gent assamble;
Onques mais tant n'en vint ensamble.
Ce fu en la douce saison
Que li roussignol ont raison
Folio 16 ro, col. 1. De chanter pour le tans joli, Que li pré sont vert et flouri, Et li vergié cargié de fruit; Que la bele rose est en bruit, Dont les dames font les capiaus, Dont li amant font leur aviaus; Que l'erbe vert est revenue, Qui par la froidure ert perdue: Cascuns oisiaus en son latin Cante doucement au matin Pour la saison qui est novele. Toute riens adont se revele, Que la joie maintenir doivent. Li canel les iauwes reçoivent, Qui en yver erent esparses. Où keurent karoler ces garces, Beatris, Marot, Margueçon ? Avoec eles ont Robecon
Et Colinet et Jehanet;
Puis s'en vont au bos au muget, Capiaus font de mainte maniere, Ançois que reviegnent arriere; Beles sont les nuis et li jour A ciaus qui maintienent amor. En itel tans com je devise Est cele Pentecouste assise
Dont toutes gens demainent feste.
Droit la veille de cele feste
Assambla à Dondeu la cours.
Maint buef, maint pourcel et maint ours
I eut tué pour car avoir,
Tant que n'en puis nombre savoir..
Qui dont véist dames venir, Chevaliers par les mains tenir; De dus, de contes, de barons Emplirent tous les pavillons. Le soir, quant il eurent soupé, Trestuit s'aünerent u pré Comme s'il fust en plain midi; Car tout certainement vous di
Folio 16 ro, col. 2. Qu'il i avoit tuertins ardans, Onques nus hom ne vit plus grans.
Ne vin, ne viande, ne cire
Que on assés cler n'i véist
De la grant clarté qui en ist. D'une cotele d'or tissue, Toute par mi peles cousue, Avoit le sien biau cors vestu. A paines porai le tissu Deviser dont ele estoit çainte: D'or i avoit platine mainte Qui s'entre-tienent à carnieres D'esmeraudes bonnes et cieres; Un safir avoit u morgant,
Qui valoit bien .c. mars d'argant.
En son pis avoit une afique D'or et de mainte piere riche;
De drap d'or ot à col mantel, Ainques nus hom ne vit si bel; Entour son col l'eut acolé.
Ne fu mie de vair pelé La fouréure, ains fu de sable, Qui mout fait la gent delitable. A son çaint a une omosniere, Ou monde n'a nule plus ciere; Sour son cief ot une couronne, Tant com li siecles avironne
Folio 16 vo, col. 1. Ne fust trouvée sa pareille: De l'esgarder ert grant merveille, Des bonnes pieres ki i sont Et des vertus que eles ont. Esmeraudes, safirs luisans, Rubis, jagouces, dyamans,
« السابقةمتابعة » |